Senior citizens ng Navotas tinatakot diumano upang bumoto

Nakalap natin sa isang Facebook post ng isang concerned citizen na diumano isang kagawad ng Navotas ay namamahagi ng listahan ng mga dapat iboto kapalit ng pagbigay ng Social Pension Payout 2022 stub ng DSWD NCR  sa mga senior citizens.

Nakasaad sa post ang isang kakaibang kondisyon na dapat bumoto na naayon sa kagustuhan ng partido ng nasabing konsehal ang mga senior citizens ng naturang lungsod kung hindi ay diumano’y matatanggalan sila ng prebilehiyo at aalisin sa talaan.

Pinangalan sa post ang kagawad na si Manny Angelo ng NBBS Proper na napabalitang kaalyado ni Mayor Toby Tiangco at Congressman John Rey Tiangco.