Suzette balik-America sa pagpanaw ni Ms Gloria

RATED R
ni Rommel Gonzales

NASA bansa ngayon ang aktres na si Suzette Ranillo. Kauuwi lang niya noong Linggo, April 10 mula Amerika na roon na naninirahan ang kanyang buong pamilya.

At kung kailan naman nakauwi ng Pilipinas si Suzette ay nangyari naman ang isang malungkot na balita sa kanilang pamilya. Noong Sabado de Gloria ay pumanaw ang ina ni Suzette na si Ms. Gloria Sevilla habang natutulog sa kanilang tahanan sa California, USA.

Ka-Viber message namin si Suzette at aniya, muli siyang babalik sa Amerika dahil nga sa pagkawala ng kanilang ina, hindi nga lamang siya tiyak kung kailan siya makababalik doon.

PInadalhan din kami ni Suzette via Viber ng official statement ng kanilang buong pamilya tungkol sa pagpanaw ni Ms. Gloria.

“With great sadness, we announce the loss of our beloved mother and grandmother, Gloria Sevilla, who peacefully died in her sleep in Oakland Hills, California at the age of 90.

“Our family will cherish the love of friends and fans who supported her from her younger days as the inimitable Queen of Visayan Cinema as well as her critically-recognized and awarded performances in mainstream films and television drama.

“The Ranillo-Cortez family appreciates the prayers offered for Gloria while awaiting the funeral arrangements to be held in the U.S. and in the Philippines.”