Wednesday , April 2 2025

Boyet, producer ng stage musical na Lorenzo

PRODUCER na rin pala si Christopher de Leon ngayon—pero hindi ng pelikula kundi ng isang stage musical na ang titulo ay Lorenzo.

At sino pa nga ba ang sikat na Lorenzo sa ating bansa kundi si Lorenzo Ruiz, ang kauna-unahang santong Filipino (at alam n’yo naman sigurong may pangalawa na, si Pedro Calungsod).

Actually, hindi lang kay San Lorenzo Ruiz patungkol ang musical kundi pati na sa isang OFW na nakatakdang bitayin sa Middle East na Lorenzo rin ang pangalan. Makabagong produksyon ito, kaya posibleng pagsalimbayin ang nagdaang panahon at ang kasalukuyan. At dahil sining ito, posibleng magkita ang matagal nang yumao at ang nakatakda pa lang na yumao.

Alam n’yo bang halos Lorenzo rin ang pangalan ng musical actor na gaganap na San Lorenzo? At ito’y walang iba kundi si Lorenz Martinez, anak ni Leo Martinez, ang mahusay na TV comedian na dating theater actor.

‘Yung OFW na Lorenzo ay gagampanan naman ni OJ Mariano na sikat na rin ngayon bilang musical actor. Galing siya sa isang singing contest ng ABS-CBN noon.

Si Ryan Cayabyab lang naman ang may gawa ng musika at ang magdidirehe nito ay si Nonon Padilla, na naging artistic director ng Cultural Center of the Philippines.

Sa September 5 na  magsisimulang ipalabas ang Lorenzo sa SDA Theater ng College of St. Benilde sa Vito Cruz Ave. (na matagal nang P. Ocampo ang pangalang opisyal na siya mismong nakalagay sa karatula ng kalye). May captive market na siguro sa Benilde ang kompanya ni Boyet na ang pangalan ay Green Wings kaya roon ang pinili ng kompanya na ipalabas ang kauna-unahan nitong produksiyon.

May press night sa September 4 sa SDA Theater at nakumbida kami roon ng publicist ng production na si Toots Tolentino. Sa gabing ‘yon pa lang namin mapag-aalaman ang iba pang detalye ng produksiyon. Siguro naman ay naroon si Boyet para sumagot sa mga tanong ng press.

Danny Vibas

About hataw tabloid

Check Also

Marianne Bermundo The Philippine Young Faces of Success

Marianne Bermundo wagi sa Philippine Young Faces of Success 2025

MATABILni John Fontanilla PAREHONG wagi sa katatapos na The Philippine Young Faces of Success 2025 ang mag-inang Virgie …

Alden Richards VIVA

Alden tutuparin pangarap na maging piloto

MATABILni John Fontanilla ISA pala sa matagal ng pangarap ng Kapuso actor Alden Richards  at ng …

Nadine Lustre Go Vegan

Nadine certified vegan na, mas lumakas ang katawan

MATABILni John Fontanilla ISA ng certified vegan ang award winning actress na si Nadine Lustre. Pagbabahagi …

Maja Salvador Beautéderm Rhea Tan

Maja Salvador at Beautéderm CEO Rhea Tan may matibay na pinagsamahan, maalaga sa katawan

ALAM MO NA!ni Nonie Nicasio IPINAHAYAG ni Maja Salvador na ang pagiging close nila ng Beautéderm founder …

AC Bonifacio Ashley Ortega

Ashley pinanghihinayangan, nadamay daw sa ka-negahan ni AC

PUSH NA’YANni Ambet Nabus MALI ang hula ng maraming PBB supporters na dalawang lalaki ang mae-evict sa kauna-unahan …

Leave a Reply

Your email address will not be published. Required fields are marked *