Friday , April 4 2025

Atty. Ferdinand Topacio at Claudine Barretto walang “secret affair” (Purely friendship lang ang namamagitan sa kanila!)

MINSAN, sa sobrang lapit ng ‘lawyer for all seasons’ na si Atty. Ferdinand Topacio sa mga nagiging kliyenteng babaeng artista ay nauugnay siya sa kanila. Lalo, na ngayon sa latest client niyang si Claudine Barretto, ilang kasamahan sa hanapbuhay ang pilit silang itinitsismis na mayroon raw silang ‘secret affair?’

Kinukuwestiyon nila na na kung talagang legal counsel lang ni Claudine ang labs at BFF naming si Atty. Topacio, ‘e bakit nagpatawag pa siya ng get together sa mga close sa entertainment press kabilang na ang inyong columnist upang ipa-interview si Claudine. Saka bakit sobrang malapit na rin daw ang globally famous na lawyer sa mga anak nina Clau at Raymart Santiago na sina Sabina at Santino? Well, lahat ng ‘yan ay tamang duda lamang. Unang-una, kilalang matulungin at supportive hindi lang kay Claudine ang nasabing high-end lawyer (Atty. Topacio) kundi sa lahat. Saka, kaya ganyan ang treatment na kanyang ibinibigay sa actress ay dahil nakita niya na masyado nang naapi. Kailan lang ba nagsalita sa mga pang-aabusong naranasan mula sa mister na si Raymart Santiago kasama na ng mga pambu-bully ng kampo ng actor? Ngayon lang ‘di ba? Number one na hate ni Atty. Ferdie ay sinasaktan ang mga babae kaya pangako niya kay Claudine hanggang sa huli ay tutulungan niya ang aktres  sa kanyang battle kay Raymart. Kung malapit man ngayon ang abogado sa mga anak ni Claudine na sina Sabina at Santino ay huwag niyong bigyan ng kulay dahil ang goal niya rito ay mabigyan ng moral support ang mga bata na sa mura nilang gulang ay nangangailangan ng pagmamahal. So, lahat ng kanyang mga ginagawa para kay Claudine at sa mga bata ay walang halong malisya at lalong wala silang secret affair.

Wala rin makapipigil kay Atty. Topacio kung maging supportive man siya sa showbiz comeback ni Claudine na ipo-produce nga niya ang album soon ng controversial actress. Kaya roon sa mga plano pang mang-api kay Claudine ay mananagot kayo kay attorney.

Dapat at karapat-dapat lang gyud!

“IKAW ANG IIBIGIN KO” NI JOS GARCIA MAY JAPANESE VERSION NA

Kasama ang inyong columnist, nakipag-meeting na si Jos Garcia sa isa sa executive ng Star Records. May kaugnayan sa kanyang bagong gagawing album ang napag-usapan at masaya si Jos dahil finally ay natupad ang kanyang matagal nang pangarap na ma-penetrate ang ABS-CBN.

Yes, ang Star Records ang magdi-distribute ng kanyang CD album na nakatakdang i-release early next year. At included sa album ang dalawa sa komposisyon ng singer kabilang na ang “Pag-Ibig Ba Ito?” at ang pinasikat na awitin na “Ikaw Ang Iibigin Ko” na may Japanese version na pala at hit na hit ngayon sa Land of the Rising Sun na Japan. Very excited na si Jos sa kanyang showbiz comeback at sa tulong ng Star Records at ng iba pa ay very positive na mararating rin niya ang tagumpay para sa singing career. Kagi-guest lang pala ni Jos sa mga show ng GMA 7 at TV 5 at nag-ikot rin sa ilang radio guesting. Nagpapasalamat ang mahusay na Diva sa lahat ng kanyang fans, na hanggang ngayon ay nakasuporta sa kanya at hindi siya iniwan kailanman. Puwede n’yo nang i-download ang :Pag-ibig Ba Ito?” at iba pang songs ni  Jos sa iTUNES at sa kanyang sariling website na ReverbNation na marami nang followers.

DALAWANG MALALAKING

BARANGAY PINAGKALOOBAN

NG DALAWANG TRUCK

NA RELIEF GOODS NG EAT BULAGA

Hanggang ngayon, may ilang mga barangay pa rin sa loob at labas ng Mega Manila ang apektado pa rin ng bagyong si Maring. At dalawa rito ay ang Brgy. San Bartolome, Sto. Tomas, Pampanga na may daan-daang pamilya ang lubog pa rin sa baha ang kanilang kabahayan ganoon na rin ang Brgy. Bacao sa Gen. Trias Cavite na mas higit na affected dahil lampas tao pa rin ang baha rito. Habang hindi pa nakababawi ay pinagkalooban sila ng Eat Bulaga ng dalawang truck na naglalaman ng mga relief goods na kinabibilang ng pagkain at gamot. Taon-taon naman tuwing dumarating ang mga ganitong sakuna ay to the rescue agad ang EB Dabarkads. Buong pusong nagpapapasalamat si bossing Vic Sotto sa lahat ng mga dabarkads na nag-donate ng mga bagay sa abot ng kanilang makakaya.

Peter Ledesma

About hataw tabloid

Check Also

Yohan Castro Vehnee Saturno

Yohan Castro balik-showbiz, patuloy na lumalaban sa mga hamon ng buhay

ALAM MO NA!ni Nonie Nicasio AFTER two years ay itinuloy ni Yohan Castro ang kanyang …

Alden Richards

Alden walang balak sumabak sa politika

MATABILni John Fontanilla KALIWA’T kanan ang alok sa  Asia’s Multimedia Star at Kapuso prime actor …

Ashley Ortega PBB

Ashley ramdam pagmamahal ng fans sa kanyang PBB Journey

RATED Rni Rommel Gonzales DAMANG-DAMA ni Ashley Ortega ang pagmamahal ng mga sumuporta sa kanya sa loob …

Gloria Diaz Miss Universe

Miss U pinaka-iba sa lahat ng naging Miss Universe ng bansa

NAPAKASARAP kausap ni Ms Gloria Diaz o Miss U kung tawagin ng marami sa showbiz. With all …

Jodi Sta Maria PAWS Puso Para sa Puspin

Puso Para sa Puspin inilunsad, Jodi ambassador ng PAWS

SHOWBIZ KONEKni Maricris Valdez INILUNSAD kamakailan bilang new celebrity ambassador ng Philippine Animal Welfare Society(PAWS), oldest …

Leave a Reply

Your email address will not be published. Required fields are marked *