Gerald babawi kay Julia

SHOWBIZ KONEK
ni Maricris Valdez Nicasio

WALA man si Gerald Anderson sa 25th birthday ni Julia Barretto noong March 10 nag-enjoy pa rin ang dalaga kasama ang pamilya at mga kaibigan sa isinagawang party.

Ani Julia, wala si Gerald dahil nasa lock-in taping ng serye nila ni Ivana Alawi.

Isang simple at intimate celebration lang ang ginawa ng dalaga pero pasabog at marami ang humanga sa ginawang pictorial nito para sa kanyang silver birthday. 

“I had a really good time, we have a good night, I was surrounded by my family and my friends and every­body that I’ve kept in touch with the last few years,” kuwento ni Julia sa isinagawang digital media conference para sa pelikula nilanina Ella Cruz, Andrea Babierra, at Awra Briguela, ang The Seniors na mapapanood na sa Vivamax simula March 20 at idinirehe ni Shaira Advincula-Antonio.

“It was so nice to finally be reunited with everybody after how many years,” giit ng aktres.

At dahil nakauwi na si Gerald, tiniyak ni Julia na mayroon silang celebration.

“He’s coming home tomorrow, we’ll probably do a little get-together and have nice dinner with our friends when he gets back,” pagbabahagi niya.

Samantala, ang The Seniors ay ukol sa apat na senior high school students sa isang provincial public high school na sama-samang haharapin ang iba’t ibang problema sa buhay at pag-ibig.

Ang The Seniors ay handog ng Viva TV at Project 8 Projects nina Antoinette Jadaone at Dan Villegas.