HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MASAYA ang Kapuso teen actress na si Angelika Santiago dahil natapos na nila ang taping ng Book-2 ng Prima Donnas. Ang ilan sa tampok dito ay sina Aiko Melendez, Katrina Halili, Wendell Ramos, Jillian Ward, Althea Ablan, Sofia Pablo, Miggs Cuaderno, Elijah Alejo, Sheryl Cruz, Bruce Roelandm, sa pamamahala ni Direk Gina Alajar.
Kinamusta namin si Angelika.
Tugon niya, “Better po, kasi nakapag-taping po ulit sa GMA, iyong Book-2 po ng Prima Donnas.”
Paano niya ide-describe nang sumabak siyang muli sa taping after nang mahabang panahon? May excitement ba or parang nangapa siya?
Aniya, “Siguro po may excitement and kaba! So, magkahalo po ang naramdaman ko talaga. Pero sabi nga po nila, okay lang daw po yun, hehehe.”
Aminado si Jelay (nickname ni Angelika), na nanibago siya nang nagbalik-taping.
Sambit niya, “Yes po, kasi lock-in po siya and mahirap po, kasi super layo sa bahay and matagal din.”
Pero, nag enjoy daw siya sa pagbabalik-taping. “Yes po, super nag-enjoy naman po! Kasi, mas lalo po kaming naging close nina Jillian, Will, Eli, Miggs, Julius, and si Bruce po.”
Nabanggit din niyang mas na-challenge siya sa role sa paparating na Prima Donnas.
Lahad ni Angelika, “Yes po! Super na-challenge po ako, kasi nahihirapan din po ako na 18 na ako and iyong role ko po bale… medyo bata pa rin po.”
Ano ang mga dapat abangang pasabog sa Book-2? “Super dami po, especially yung pagbabalik ni Kendra,” matipid na sagot niya.
Ayaw munang i-reveal ni Angelika kung may pagbabago ba sa kanyang role sa Prima Donnas.
“Hmm… siguro po medyo… may pagbabago, hehehe. Actually, ayaw ko pong i-spoil, hehehe. Abangan na lang po,” nakangiting pakli pa ng magandang teen actress.
