P.5-M ecstacy nasabat
22-ANYOS KELOT NASAKOTE SA CONTROLLED DELIVERY

NAARESTO ang isang drug suspect sa controlled delivery operation sa Tondo, Maynila nitong Biyernes na nakompiskahan ng P508,300 halaga ng party drug ecstasy.

Kinilala ng Philippine National Police’s Drug Enforcement Group (PDEG) ang suspek na si Ranniel Raquin, 22 anyos, naaresto sa Dagupan St., Barangay 49, dakong 10:50 am.

Agad sinunggaban ng mga mga pulis si Raquin matapos niyang tanggapin ang parselang naglalaman ng 299 ecstasy tablets. Hindi ibinunyag ng PDEG kung sino ang consignor ng nasabing shipment, na sinabing nagmula sa Germany.

Inaresto si Raquin dahil sa paglabag sa Republic Act 9165 o ang Comprehensive Dangerous Drugs Act.

(ALEX MENDOZA)