Tsinelas at tattoo nina Paolo at Yen, ebidensiya raw sa viral photos

SHOWBIZ KONEK
ni Maricris Valdez Nicasio

TALAGANG hinanapan ng ebidensiya ng netizens ang pictures na nag-viral na sinasabing sina Paolo Contis at Yen Santos ang magkasamang nakita sa Baguio.

Ayon sa mga netizen, pareho ang suot na tsinelas at sandals nina Paolo at Yen nang makunan ng video sa Baguio City. Sinasabing si Paolo ang lalaki sa video at marami ang humuhula na si Yen ang babaeng kasama nito na nakahawak sa braso ng aktor.

Anang netizens, ang suot na tsinelas ni Paolo ang gamit nito habang nakaupo sa isang scooter at si Yen naman ay suot ang sandals nang mag-selfie at naka-peace sign.

Bukod sa Baguio na sinasabing nakita sina Paolo at Yen, nakunan din ang dalawa sa Manaoag church sa Pangasinan.

Pati ang tattoo nina Paolo ay pinagkompara. Ang tattoo ni Paolo sa kanang likod ng braso at si Yen naman sa kaliwang kamay.

Hanggang ngayo’y walang pagtanggi o pag-aming ginagawa sina Paolo at Yen ukol sa viral photos.