HATAW! D'yaryo ng Bayan hatawtabloid.com
FACT SHEET
ni Reggee Bonoan
TRULILI kaya na tuloy na tuloy na si Lovi Poe sa Kapamilya Network dahil ito ang pinili niya kaysa GMA 7.
Sitsit ng aming source na hinihintay na lang ang pagdating ng aktres mula sa ibang bansa at magpipirmahan na bilang Kapamilya star.
Tanda namin noong face to face mediacon ng pelikulang The Other Wife kasama sina Rhen Escano at Joem Bascon produced ng Viva Films ay sinagot niya kami ng, ”under negotiations” nang tanungin namin kung totoong lilipat na siya sa ABS-CBN.
Hindi naman itinanggi ng aktres na malalaman ito ng lahat pagbalik niya mula sa Amerika dahil nga kinailangan niya uling bumalik.
Sabi pa ng aming source ay nag-counter offer ang GMA 7 at maraming projects ang inilatag sa kanya pero parang may ibang hinahanap si Lovi na ibinigay naman ng Kapamilya management kaya ito ang nagpa-oo sa kanya para maging Kapamilya na talaga.
Wala pa sa bansa si Lovi at posibleng habang papauwi siya ay maraming mababago sa mga pag-uusap at offers ng GMA kaya abangan na lang kung saan siya talaga pipirma.
Anyway, kung sakaling matuloy nga si Lovi sa Kapamilya ay halos kasama niya ang mga kapatid niya sa management company ni Leo V. Dominguez tulad nina Paulo Avelino, JC de Vera, Janine Gutierrez, Ogie Alcasid at iba pa.
