Benjamin, Mike, at Myrtle riot sa Dear Uge

COOL JOE!
ni Joe Barrameda

SIGURADONG riot na naman sa katatawanan at masayang kuwentuhan sa fresh episode ng comedy anthology na Dear Uge Presents SA Linggo, August 29.

Tampok sa episode na pinamagatang Tom, Dick, and Gery sina Benjamin Alves bilang Tom, Mike Tan bilang Dick, Dave Bornea bilang Alex, at Myrtle Sarrosa bilang Gery.

Nang mabakante ang kuwarto ni Alex at iwan ang kanyang housemates na sina Tom at Dick, nirentahan ito ni Gery. Sa pagdating ni Gery ay sabay namang masisira ang pagkakaibigan nina Tom at Dick.

Tuluyan na nga bang masisira ang magandang samahan nina Tom at Dick dahil kay Gery?

Abangan ang nakaaaliw na kuwento nina Tom, Dick, and Gery sa Dear Uge Presents sa Linggo, 3:45 p.m., pagkatapos ng GMA Blockbusters.