HATAW! D'yaryo ng Bayan hatawtabloid.com
MA at PA
ni Rommel Placente
HINDI nagustuhan ng ilang mga netizen ang pagbibiro ni Piolo Pascual matapos mabakunahan kontra COVID-19.
Sa kanyang Instagram story, makikitang tinurukan na siya ng 1st dose ng COVID vaccine, at karugtong nito ay sinabing ‘then I died.’
May ilang hindi na-offend sa joke ni Piolo, ngunit marami pa rin ang pumuna rito.
Kuwento ng isang netizen, magpapabakuna dapat ang kanyang kapatid ngunit nagpositibo sa COVID at namatay din kaya dapat maging sensitibo si Piolo.
Sambit naman ng isa, bad joke ito dahil may namamatay pa rin dahil sa pagpapaturok ng bakuna.
Hayag naman ng isa, seryosong paksa ito at marami ang natatakot magpabakuna kaya dapat hindi gawing biro.
May ilan namang nagtanggol sa aktor at sinabing over-reacting lang ang mga tao.
