HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ni Nonie Nicasio
ISA si Kate Brios sa casts ng pelikulang Abe-Nida na tinatampukan ng award-winning actor na si Allen Dizon, Katrina Halili, direk Joel Lamangan, Ms. Gina Pareño, Maureen Mauricio, Vince Rillon, Leandro Baldemor, at ang Pola, Oriental Mindoro mayor na si Ina Alegre.
Ito ang bagong obra ni Direk Louie Ignacio, mula sa istorya ni Direk Louie mismo at sa script ni Direk Ralston Jover.
Gumaganap rito si Kate bilang si Myrna, ang buntis na asawa ni Leandro at pinsan ni Allen bilang si Abe.
Saad ni Kate, “Ako iyong matapang na nabuntis dito at hindi ko gustong kausapin si Abe dahil nga may sira sa pag-iisip.”
Ibinida rin ng aktres na proud siya sa ganda ng kanilang pelikula. Lahad ni Ms. Kate, “Sobrang ganda ng pelikulang ito, nakaka-touch din, dahil ito ay istorya ng isang kilalang poor artist na bipolar.”
Nabanggit din niyang sobra siyang nag-enjoy sa pelikulang ito. Aniya, “Yes, sobrang nag-enjoy ako sa pelikulang ito, lahat sila puro award winning actor. Kaya sobrang thankful ako dahil nakasama ako rito sa Abe-Nida.
“First time ko rin nakatrabaho si Direk Louie Ignacio, masaya siyang kasama at cool na cool bilang direktor.”
Ang Abe-Nida ang hudyat sa pagbabalik ng BG Productions International ni Ms. Baby Go sa paggawa ng pelikula na natigil dahil sa pandemic.
