Friday , April 4 2025

Bernie Batin, ‘di makapaniwalang artista na!

ANG kilalang social media personality na si Bernie Batin ay sumabak na rin sa pelikula at mapapa­nood via Ayuda Babes na pinamahalaan ni Direk Joven Tan. Ito ang first movie ni Bernie na ang vlog ay kinaaaliwan ng marami.

Si Bernie ay 35 years old, tubong Pangasinan at last January 2020 lang siya nag­simulang mag-vlog. Kilala rin siya ngayon bilang Pinakamasungit na Tindera sa social media dahil sa kanyang mga antics sa Tindahan serye vlog niya.

Kuwento ni Bernie, “Iyong tindahan content ko po, nagsimula po last October 2020, so ‘yun na po pinaka… kasi before po halo-halo mga content ng videos ko, hanggang sa sabi ko, ‘Why not gawin ko ‘yung aking tindahan naman na content?’

“Ginawa ko siyang content at hindi ko po ine-expect na on the first day po na nag-vlog ako with my tindahan content po, nag-viral na nga po, hanggang sa sinundan ko nga po kinabukasan, hanggang sa nagte-trending pa rin po ‘yun… Hanggang sa ‘yun na nga po, nag-stick na po ako sa isang content which is my Tindahan po na content.”

Ano’ng reaction niya dahil mula sa pagiging social media personality, artista na rin siya ngayon?

Saad ni Bernie, “Ayun po, sobrang thankful. Noong first po, unbelievable nga po, hindi ako makapaniwala kasi hindi ko po inaasahan. Hindi ako makapaniwala na ‘yung dating mga dream ko na maka-work ay natupad na nga po. Siyempre sa tulong po ‘yan ni direk Joven Tan. Kasi siya po ‘yung naging tulay para mapabilang po ako sa movie at makatrabaho ko po ‘yung magagaling na mga artista sa pelikulang Ayuda Babes nga po.”

Ang Ayuda Babes ang pinakabagong handog ng Saranggola Media Productions. Tampok dito si Gardo Versoza, with Christi Fider, Zeus Collins, Bidaman Dan Delgado at may special participation sina Marlo Mortel at Marc Logan.

Pinagsama-sama rito ang magagaling na komedyanteng sina Ate Gay, Negi, Iyah Mina, Petite, Joey Paras, Brenda Mage, Juliana Parescova Segovia.

Ipalalabas ang Ayuda Babes sa iWant TFC at sa Ktx.Ph simula ngayong Friday, March 5.

ALAM MO NA!
ni Nonie Nicasio

About Nonie Nicasio

Check Also

JM Ibarra Fyang Smith Sylvia Sanchez Nova Villa Ces Quezada Bodjie Pascua

Fyang at JM may serye na may Korean movie pa

MATABILni John Fontanilla MUKHANG tuloy-tuloy na nga ang pagsikat ng tambalan nina JM Ibarra at Fyang Smith dahil bukod …

Gloria Diaz Miss Universe

Gloria Diaz sa beauty pageant — It’s not an IQ contest, nawawala ang natural

RATED Rni Rommel Gonzales MAY karapatan si Ms Gloria Diaz bilang pinakaunang Pilipinang Miss Universe (1969) na magbigay ng …

Ruru Madrid

Ruru naaksidente, litid sa alak-alakan napuruhan

MA at PAni Rommel Placente ISINUGOD sa ospital  si Ruru Madrid  matapos magkaroon ng injury habang nagte-taping …

Kris Aquino

Kris Aquino humingi ng dasal; lupus flare fever 2 linggo na

MA at PAni Rommel Placente NAGBIGAY muli ng update ang TV host-actress na si Kris Aquino tungkol …

Anne Curtis Bam Aquino

Kandidatura ni Aquino ‘binasbasan’ ng ‘Diyosang’ si Anne nang makita sa NAIA

PERSONAL na naipaabot ni Anne Curtis (matapos magpahayag sa X, dating Twitter), ang pagsuporta kay dating Senador at independent …

Leave a Reply

Your email address will not be published. Required fields are marked *