Sarah G. mananatiling Kapamilya

TINIYAK ni Vic del Rosario Jr., head ng Viva Entertainment na mananatiling Kapamilya si Sarah Geronimo.

Iginiit din ni Boss Vic na exclusive talent si Sarah ng ABS-CBN. Kaya hindi siya puwedeng mag-host ng anumang TV show outside Kapamilya Network.

Binigyan ding linaw ng bossing ng Viva na hindi totoong si Sarah ang magho-host ng bagong talent show na PoPinoy ng TV5.

“Sarah appears only as an endorser in the show and she is not the host,” ani del Rosario sa ABS-CBN News.

“She just complied to her commitment as an endorser of Talk and Txt. She is still exclusive with ABS-CBN and the only time she appears on TV5 is when she comes out on ‘ASAP Natin ‘To.’”

Kaya sa mga naghahanap at naiinip kay Sarah sa ASAP Natin ‘To, wait lang dahil magbabalik din ang misis ni Matteo Guidicelli. May pinaplantsa lang itong ilang bagay para sa kanyang nalalapit na online show, ang Tala: The Film Concert sa March 27.

SHOWBIZ KONEK
ni Maricris Valdez Nicasio