HATAW! D'yaryo ng Bayan hatawtabloid.com
CONFIRM!
Nasa bakuran na ng GMA7 si Maja Salvador na isasama kina Heart Evangelista at Richard Yap sa up-coming teleserye na “I Left My Heart In Sorsogon.”
Sa katunayan sa kanyang instagram account ay ipinost ni Maja ‘yung kuha nilang picture together ni Heart na may caption na “Had fun today with the ever beautiful Ms @iamhearte. Salamat Ganda! #Soon #MeetMaja.”
Well, good for her (Salvador) kung talagang tuloy na siya sa seryeng ito pero siyempre ang sad part lang ay ‘yung tinuwaran ng aktres ang ABS-CBN na nagpasikat nang husto ng kanyang pangalan.
Anong dapat itawag sa kanya ‘e ‘di ingrata kasi may offer naman sa kanya ang Kapamilya network na teleseryeng iniwan ni Bea Alonzo na si Richard Gutierrez ang leading man. Kaso, kaysa tanggapin ang project hayun mas pinili niya ang tigbak nang Sunday Noontime Live dahil natukso sa tripleng talent fee ng Brightlight Productions.
Siguro naman dito sa GMA ay hindi makaiisa si Maja at tinapatan lang ng Kapuso kung ano ang talent fee na tinatanggap niya sa ABS-CBN, ang estasyong iniligwak na siya at sinabihang puwede nang tumanggap ng alok sa iba.
‘Yun na!
VONGGANG CHIKA!
ni Peter Ledesma
