Richard Yap, susubok sa pagpapatawa

MARAMI ang excited sa nalalapit na paglabas ng bagong Kapuso star na si Richard Yap sa comedy anthology na Dear Uge ngayong Linggo (January 10).

Kahit kakapirma pa lang ni Richard sa Kapuso Network noong December 16, sumabak na agad ang aktor sa taping para sa kanyang first ever Kapuso project. Makakatambal ni Richard si Eugene Domingo.

Sa  Instagram ay ipinasilip ni Eugene ang ilan sa kanilang kaabang-abang na eksena ni Richard, ”Our very first fresh episode for 2021 with Richard Yap! Abangan this Sunday sa #DearUgePresents Jing, ang Bato!”

Bukod sa Dear Uge, bibisitahin din ni Richard ang The Boobay and Tekla Show na bahagi ng kanyang plano na sumubok ng ibang genre bukod sa heavy drama na nakilala siya.

Tutukan ang nakaaaliw na tambalan nina Richard at Eugene sa Dear Uge Presents: “Jing, ang Bato! ngayong Linggo na, 2:45 p.m, sa GMA-7.

Rated R
ni Rommel Gonzales