Jen, Heart, at Carla, nominado sa Face of the Year Awards

MULING pinatunayan ng Kapuso Network na talagang pang-world class ang mga programa at artista nito matapos na muling ma-nominate sa Face of the Year Awards sa Vietnam ngayong taon.

Nominado ang top-rating romantic comedy programs na Because of You, Juan Happy Love Story, at GMA adaptation ng hit Korean drama na My Love From the Star para sa Most Favorite Foreign Drama award.

Samantala, nominado rin ang lead actors at actresses mula sa naturang mga drama na sina Carla Abellana, Heart Evangelista, at Jennylyn Mercado para sa Most Favorite Foreign Actress award habang sina Rafael Rosell, Dennis Trillo, at Gil Cuerva naman para sa Most Favorite Foreign Actor award.

Ang Face of the Year ay inorganisa ng Vietnam-based firm na International Media JS Company (IMC) at ikinokonsiderang pinakamalaking event ng IMC sa buong taon.

COOL JOE!
ni Joe Barrameda