HATAW! D'yaryo ng Bayan hatawtabloid.com
ISANG touching episode ang mapapanood ngayong Sabado sa Magpakailan. Ito ay ang kuwento ni Bing, isang ama na pinatuyan sa kanyang mag-ina ang walang hanggang pagmamahal niya.
Lahat naman kasi tayo ay nagnanais ng isang masayang pamilya. Pero paano kung dumating ang panahon na mamamaalam na ang ama ng tahanan?
Mayaman ang mga magulang ni Aly na sina Joji at Bing. Close rin sila sa isa’t isa kaya masaya ang kanilang pamilya.
Pero isang pagsubok ang darating sa kanila, magkakasakit si Bing sa puso at may diabetes pa. Naubos ang pera nina Aly sa pagpapagamot kay Bing. Gayunman, hindi pa rin nawawalan ng pag-asa si Joji na gagaling o hahaba ang buhay ng asawa.
Hanggang sa isang araw, pinayuhan na sila ng mga doctor na iuwi na si Bing at sa bahay na alagaan. Nagtulungan ang mag-ina para maayos na maalagaan si Bing. Malaki ang pasasalamat ni Bing kina Aly dahil sa pagmamahal nito sa kanya. ‘Di nagtagal, namatay din si Bing.
Makalipas ang ilang araw, laking-gulat ni Aly nang makatanggap siya ng email mula kay Bing. Paano ito nangyari gayong wala na ang kanyang ama?! Maisakatuparan kaya niya ang huling bilin nito?
Tunghayan sa Sabado, December 19, sa Magpakailanman ang espesyal na Christmas presentation na My Everlasting Love: The Joji and Alyssa Mendoza Story na nagtatampok kina Barbie Forteza bilang Aly, Isay Alvarez bilang Joji, at Robert Seña bilang Bing.
Mula sa direksiyon ni Jorron Monroy, pananaliksk ni Angel Lauño, at panulat ni Karen P. Lustica.
Rated R
ni Rommel Gonzales
