HATAW! D'yaryo ng Bayan hatawtabloid.com
PAGSUGPO sa nakamamatay na sakit na coronavirus (CoVid 19) ang tanging prayoridad ni Mayor Francisco “Isko Moreno” Domagoso at hindi muna ang politika para sa kapakanan ng mga mamamayan sa lungsod ng Maynila
Ang pahayag ay ginawa ni Moreno sa virtual na Kapihan sa Manila Bay nang tangungin tungkol sa ulat na may nakikipag-usap sa kanya upang tumakbo sa 2022 vice presidential race.
“Wala. I have to be honest. Wala naman. In fairness to those people aspiring to be the president of the country. Wala naman nag-a-abiso sa akin,” Pahayag ni Moreno.
Ani Moreno, matagal pa ang halalan at ayaw niya itong pagtuunan ng pansin sa ngayon dahil mas mahalaga aniya sa ngayon ang masolusyonan ang problema sa CoVid-19 na higit sa 9,000 Manileños ang nabiktima.
“There is no point to survey about politics today. One, two years pa ang election. Two, there is pandemic, kaya more than anything else, more than the sand, whatever they are doing there, there (are) people dying here (Manila),” pahayag ng alkalde.
Base sa datos, nakapagtala ng 9,258 kaso ng CoVid-19 sa Maynila at kasalukuyang may 880 aktibong kaso, 351 indibidwal ang binawian ng buhay, at 7,227 ang gumaling sa karamdaman. (BRIAN BILASANO)
