Maribel Aunor, proud sa Awit Awards nominations ng mga anak na sina Marione at Ashley

SOBRANG proud ang 70’s teenstar na si Ms. Maribel Aunor sa mga anak na sina Marione at Ashley Aunor dahil kapwa nakakuha ng nominations sa 33^rd Awit Awards ang dalawa.

Ipinahayag ni Ms. Lala (nickname ni Maribel) ang pasasalamat sa Diyos at pagbati sa dalawang talented na anak sa pamamagitan ng kanyang Facebook account.

Saad ni Ms. Lala sa kanyang bunsong si Ashley na kilala rin bilang Cool Cat Ash:

“So proud of my bunso Cool Cat Ash aka Ashley Aunor to be one of the final nominees for Best Novelty Recording! Kahit newbie ka pa lang sa showbiz, and the fact that this is your first single “Mataba” nominated ka na agad sa Awit Awards! Sobrang daming blessings sa inyong dalawa ni sissy mo @Marion Aunor ngayon. Thank you God  #proudmom best bday gift!”

Eto naman ang post niya para sa kanyang panganay na si Marione:

“Wow! From the first line up of nominees down to 5 finalists! So proud of you bebe ko @Marion Aunor parang nanalo ka na nyan at parang dumaan ka sa liit ng butas ng karayom  congrats! Thank u Lord for this blessing!”

Si Marione ay isa sa pinaka-indemand ngayong singer/songwriter. Ang ilan sa mga hit songs niya ay ang-Pumapag-Ibig, Free Fall Into Love, I love You Always Forever, Akala, If You Ever Changed Your Mind, Fallen, at Delikado.

Nominado si Marione bilang finalists for Best Pop Recording para sa kantang Paasa. Mula Viva Records, ito’y komposisyon din ni Marione, at sina Marione at Civ Fontanilla ang producers nito.

Si Ashley naman after ng debut single na Mataba, nasundan ito ng Diyosa ng Kaseksihan na collaboration nila ng kanyang Ate Marione para sa kanilang Aunorable Productions.