Online acting class ni Gladys, tagumpay

SA bahay muna ang birthday celebration ng unica hija ni Gladys Reyes na si Aquisha.

Sa kanyang Instagram account ay ipinost ng aktres ang naging celebration at handa nila para sa 12th birthday ni Aquisha. Ilan sa mga pinagsaluhan nila ay cake, fruit smoothies, baked sushi at iba pa. Kaya naman hindi nakalimot ang aktres na pasalamatan ang lahat ng bumati sa anak at nagluto ng kanilang mga pagkain.

Samantala, thankful si Gladys dahil marami ang sumali sa kanyang online acting class na ibinabahagi niya ang mga natutuhang acting techniques niya sa loob ng 36 taon sa industriya.

Rated R
ni Rommel Gonzales