Kapuso stars, magsasama-sama para sa anak ni Super Tekla, sa One Heart for Baby Angelo

NAGKAROON ng benefit auction ang Bubble Gang star na si Lovely Abella noong Sabado (July 4) para makalikom ng pondo sa pagpapagamot ng anak ni Super Tekla. Ang kinita rito ay ibinigay niya kay Tekla na kasalukuyang nagpapagamot sa anak niyang si Baby Angelo na isinilang na may anorectal malformation.

“Simpleng tulong para kay baby Angelo. May gamit ka na, nakatulong ka pa. May luxury and branded pero lahat authentic,” ani Lovely.

Tuloy-tuloy rin ang pagtulong ng iba pang Kapuso stars kay Tekla. Ngayong Martes (July 7), 8:00 p.m., magsasama-sama sina Aiai Delas Alas, Julie Anne San Jose, Christian Bautista, Kyline Alcantara, Ken Chan, Rita Daniela, Kristoffer Martin, EA Guzman, Betong Sumaya, Myrtle Sarrosa, Kim De Leon, Lexi Gonzales, Golden Cañedo, Garrett Bolden, Anthony Rosaldo, Hannah Precillas, Jeniffer Maravilla, Boobsie, at Kim Idol para sa isang online fundraising concert, ang One Heart for Baby Angelo.

Sina Glaiza de Castro at Boobay naman ang magsisilbing hosts bukas ng gabi.

Sa mga nais magbigay ng donasyon, maaari itong ipadala kay Romeo C. Librada via BDO (Account No. 007920062982) at via GCash (09771355040). Para sa mga nasa abroad, ang bank swift code ay BNORPHMM.

Panoorin at suportahan ang One Heart for Baby Angelo bukas, 8:00 p.m., sa official Facebook pages ng GMA Network, GMA Artist Center, at YouLoL.