HATAW! D'yaryo ng Bayan hatawtabloid.com
ARAW ng Biyernes nang lagdaan ni Pangulong Rodrigo Duterte ang Anti-Terror Act — ‘yan ay sa kabila ng maraming pagtutol.
Ang batas ay inakda ni Senator Ping Lacson. Congratulations Senator! At ganoon din sa lahat ng co-authors ninyo.
Tagumpay kayo! Yeheey!
But wait…
Ang Philippine Anti-Terrorism Act of 2020, na sinusugan ang 2007 Human Security Act, ay pinalawak ang ibig sabihin ng terorismo. Pinapayagan din ng nasabing batas ang surveillance, warrantless arrest at detensiyon ng suspek hanggang 24 araw, alinsunod sa draft law.
O sabihin nating, ginawang legal ‘yang mga bagay na ilegal.
Ayon kay Phil Robertson, deputy Asia director at Human Rights Watch, ang ginawa ni Duterte ay tila nagtulak sa ating kalayaan sa bangin.
“The Anti-Terrorism Law will give a green light to the systematic targeting of ‘political critics’ and ‘opponents,’ as well as ordinary Filipinos who dare to speak out,” ani Robertson.
E para kanino pala ang anti-terror act kung gayon?
“Terrorism, as we have often said, strikes anytime and anywhere. It is a crime against the people and humanity. Thus, the fight against terrorism requires a comprehensive approach to contain the terrorist threat,” ani Roque nitong Biyernes.
O ‘yan, sabi ni Spox Harry Roque ‘yan, ha.
Ayon kay Judge Princess Ongkeko, ang mabuting batas ay hindi masama, maliban kung ito ay aabusohin.
Ayon kay Senator Ping, siya mismo ang mangunguna sa rally kapag inabuso ang Anti-Terror Law.
Pero kahit ilang ulit sabihin ito ni Senator Lacson, hindi mapapanatag ang maraming mamamayan.
At ‘yan ang ultimong dahilan kung bakit araw-araw ay may mga nagrarali.
Ang tanong lang po para sa lahat, hanggang kailan hindi maabuso ang mga karapatan ng mga mamamayan?
At higit sa lahat, sino ang makikinabang sa batas na ito?!
Isang mapanikil na batas na pinalusot sa panahon ng pandemya.
Tsk tsk tsk…
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
