Sylvia, miss na ang taping at paggawa ng pelikula

ISA sa nami-miss ng mahusay na aktres na si Sylvia Sanchez ang pagti-taping at paggawa ng pelikula lalo’t sanay ito na ratsada sa trabahong ito.

Pero dahil sa Covid-19 pandemic, pansamantalang nahinto ang taping at shooting ng pelikula lalo nang ma-test na positive sa Covid-19 at kalaunan ay mabilis namang gumaling.

At sa paggaling nito at nakapagpahinga ng maayos ay muli siyang gumawa ng mga bagay na love na love niya tulad ng pagluluto. Kaya naman super happy siya na naipagluluto na niyang muli ang kanyang pamilya.

Bukod sa pagluluto at habang hindi pa muling nagre-resume ang taping ng Pamilya Ko at sa pagpirma ng panibagong kontrata sa Beautederm abala siya sa FB Live ng Beautederm kasama ang mga tulad niyang ambassadors nito.

Malaki nga ang pasasalamat ni Sylvia sa owner and CEO/President of Beautederm na si Rhea Anicoche-Tan dahil hindi lang siya nakatagpo ng boss kung hindi pamilya rito at sa buong pamilya nito.

MATABIL
ni John Fontanilla