HATAW! D'yaryo ng Bayan hatawtabloid.com
MULA pa rin sa Labyu Hehe digital presscon ay natanong namin ang isa sa cast na si Wowie de Guzman kung kumusta na ang puso niya ngayon.
“Zero, eh. Busy ako sa anak ko ngayon (6 years old), bago nagka-covid sobrang busy sa work kasi lumilibot kami para sa Firestarters. Ang puso ko pahinga pa rin hanggang ngayon, single pa rin,” nakangiting sabi ng aktor.
Pero naisip din ba ni Wowie na darating ang araw na muli siyang mag-aasawa?
“Oo naman, actually may nakilala na ako in the past, pero sabi ko nga ang priority ko anak ko kaya natapos agad (relasyon). But of course open naman tayo sa ganyan. Siyempre ayoko namang aalagaan ako ng anak ko pagtanda ko. Gusto ko may ibang mag-alaga naman sa akin,” pahayag ng aktor.
FACT SHEET
ni Reggee Bonoan
