Pokie, pinatulan ang basher na umalipusta dahil artista lang siya, bobo at walang aral

MAY rant ang komedyanang si Pokwang sa Facebook.

 “ARTISTA LANG AKO!

“Para sayo na umaalipusta, artista lang ako, bobo at walang aral.

“Oo Artista lang ako kaya nai ahon ko pamilya ko sa hirap kagaya ng ibang nangangarap. kapag may audition sa kahit anong bagong shows DIBA ang pila ay aabot na sa bahay mo dahil sa haba? kasi nga maraming gusto maging artista lang.

“Artista lang ako bobo walang aral kagaya ng sinasabi mo madalas kapag di mo kami gusto at naglabas kami ng saloobin na karapatan din naman namin kagaya ng sinasabi mong karapatan mo din.

“Artista lang ako bobo kaya may paborito kang libro na binabasa mo at iyan ay isinulat ng artistang sinasabi mo na bobo, Oo ang artistang bobo ay di lang sa TV or sine mo makikita kundi nasa paligid mo sila at isa na nga dyan mga librong nag paiyak at nag pangiti sayo ng kwento, mga musikang nagpa luha, nag pangiti nagpa indak. yan ay gawa ng artistang bobo na sinasabi mo.

“Artista lang ako bobo kaya siguro gusto kami lagi makasama ng mga politiko kapag may eleksyon kasi para mapasaya at magamit sa hakot ng boto, may nagpapabayad meron naman libre kasi yon ang prinsipyo nila at paniniwala.

“Artista lang ako bobo kaya yung paaralan mo kung saan ka man publiko nag aral at kalsada na nilalakaran mo ay galing sa tax ko.

“Oo artista lang ako bobo di kagaya mo nag aral nakapag tapos pero ang tanong, ginamit moba pinag aralan mo?

“Nag mamahal,

“Artistang bobo!”

Bunga na rin ito ng ‘sangkaterbang bashers na pinapatulan at sinasagot naman ni Mama Pokey ng walang puknat!

 

HARD TALK!
ni Pilar Mateo