HATAW! D'yaryo ng Bayan hatawtabloid.com
ANG mensahe ni DA Arnell Ignacio sa pagsasampa niya ng kaso laban kay Mystica.
Mula pa lang nang tuligsain ni Mystica si Pangulong Digong na may kasamang mura, gustong-gusto na ni Arnell na sampahan ito ng kaso.
Pero dahil sa lockdown at quarantine, kinailangan niya munang maghintay ng tamang panahon.
Naganap ito sa Cavite noong Biyernes ng umaga kasama ang kanyang abogado na si Atty. Michelle Sanchez ng David, Buenaventura, Ang Law Office.
Mensahe ni Arnell, “Kapag seryoso ang issue eh, file na ko ng case. Hindi talakan lang sa fb. Hindi mo puwede mura-murahin si presidente ng ganun-ganun lang at aatungal ka pagkatapos ..mas malala pa na nagyaya ka pa na pabagsakin ang gobyerno imbis na tumulong ka na lang. ‘Yung pagmumura mo naman eh parang PERSONAL ang kasalanan sa iyo eh. Kahit man lang sana sa edad niyong tao eh ibinigay mo na kahit katiting na paggalang.”
Ano naman kaya ang gagawin ni Mystica na katakot-takot na tuligsa na rin ang inabot sa kanyang socmed accounts?
HARD TALK!
ni Pilar Mateo*
