160 PSG personnel positive sa COVID-19 rapid test — Durante

ISANDAAN at animnapung kagawad ng Presidential Security Group (PSG) ang nagpositibo sa COVID-19 matapos sumalang sa rapid test pero isa lamang sa kanila ang nagpositibo sa polymerase chain reaction o PCR test.

 

Sinabi ni PSG commander Col. Jesus Durante, matagal nang nakarekober sa COVID-19 ang nagpositibo sa polymerase chain reaction o PCR test.

 

Hindi aniya detailed bilang close-in security kay Pangulong Rodrigo Duterte ang nasabing PSG personnel.

 

Tiniyak ni Durante na ginagawa ng PSG ang lahat ng hakbang upang maseguro ang kaligtasan ng Pangulo.

 

Awtomatiko aniyang sumailalim sa 14-day quarantine ang 160 PSG personnel na nagpositibo sa rapid test.

 

Sinimulan aniya ang pagsuri sa PSG personnel noon pang Marso at sumalang din sa COVID-19 test ang kanilang mga dependent. (ROSE NOVENARIO)