BB Gandanghari, sinopla si Robin

NAGTATAMPO si BB Gandanghari sa kanyang pamilya. Noong may lumabas kasing fake news na natagpuan siyang patay sa tinutuluyan niyang apartment sa America, ay hindi man lang siya kinamusta ng mga ito.

Nang makarating kay Robin Padilla ang sentimyento ng nakatatandang kapatid ay ipirating niya rito, sa pamamagitan ng Instagram Live ng asawang si Mariel Rodriguez na mahal nila ito, at huwag na sanang magtatampo.

Dahilan ni Binoe, noong pumasok ang 2020 ay maraminh hindi magandang nangyari sa kanilang pamilya. Ang kanilang ina ay na-bed ridden ng dalawang buwan. Siya naman ay naospital ng mahigit isang buwan dahil sa back injury.

Pero sa pamamagitan din ng Instagram Live, ay sinagot ni BB ang naging pahayag ni Binoe. Hindi niya tinangap ang paliwanag nito.

Sabi ni BB, “Tigilan natin ang public imaging. Tigilan natin ang pagpapaguwapo o pagpapabango at my expense. Love is the most abused word, and I think I can debate with anyone in this world. So, kung love ang pag-uusapan at ganyang klaseng pagmamahal ang sinasabi niyo sa akin at ipinaparamdam niyo sa akin, then maybe this needs a conversation.”

MA AT PA
ni Rommel Placente