Jenny Miller, may pagtutuwid —Si Klea at hindi si Sheryl ang karelasyon ni Jeric

NAKAUSAP namin ang aktres na si Jenny Miller sa grand opening ng Hazelberry Café ni Ara Mina, at dahil kamakailan ay napanood siya sa Magkaagaw ng GMA, tinanong namin siya tungkol sa isyu na may relasyon umano sina Jeric Gonzales at Sheryl Cruz.

May mga nagkalat kasing balita na tinototoo nina Sheryl at Jeric ang papel nila sa Magkaagaw at nagkaroon nga ng relasyon sa tunay na buhay.

Ikinagulat ito ni Jenny, ang alam niya na may “something” ay sina Jeric at Klea Pineda, female lead din sa Magkaagaw.

Iba ang sweetness nina Jeric at Klea kaya ang alam niya na super-close ay sina Jeric at Klea at hindi sina Sheryl at Jeric, ayon pa kay Jenny.

Well.

Rated R
ni Rommel Gonzales