Sharon at KC may tampuhan dahil kay Apl de Ap?

SI Allan Pineda o mas kilala bilang si Apl de Ap kaya ang dahilan kung bakit hindi na naman okay ang mag-inang Sharon Cuneta at KC Concepcion?

Nasa bansa si Apl de Ap noong Sea Games at nakita silang magkasama ni KC at simula niyon ay hindi na nakitang kasama ng dalaga ang pamilyang sinalubong ang Bagong Taon. Wala kaming nakitang kasama ang dalaga sa litrato nina Sharon, Senator Kiko Pangilinan, Frankie, Miel, at Miguel. (May nakita kami na nasa pamilya Gamboa siya nag-New Year—ED).

Anyway, nahalatang may gap sina Sharon at KC noong hindi sinagot ng una ang paghingi ng sorry ng anak sa kanyang IG post na kaya hindi siya nakadalo ay dahil sa personal na kadahilanan. Hindi binanggit ng Megastar ang pangalan ng panganay niya sa mga pinasalamatan niyang nakaalala sa kanyang kaarawan na isinelebra sa ASAP Natin ‘To nitong Linggo, Enero 5.

Base naman sa nakausap naming kilala na si Sharon, “may tampuhan na naman ‘yan for sure. Sa hindi pagbanggit ni Shawie ng name ni KC, alam mo na. Napaka-transparent ni Sharon kaya.”

FACT SHEET
ni Reggee Bonoan