James at Nadine, ‘di talaga hiwalay; Magkasamang umakyat ng Mt. Ulap

MUKHANG pinatutunayan ng JaDine fans at friends na hindi talaga hiwalay sina James Reid at Nadine Lustre dahil sunod-sunod ang pag- upload nila ng mga litratong magkasama ang magsing-irog.

Nasulat kamakailan na hiwalay na ang dalawa na inalmahan ng mga kaibigan nila at ipinost na magkasama ang dalawa sa bahay ng kaibigan nila sa Makati City na sabay sinalubong ang 2020.

Bukod dito ay nakapanayam ni TV Patrol reporter MJ Felipe si James at nabanggit nga nitong magkasama sila ni Nadine na sasalubungin ang Bagong Taon na itin-tweet naman ng katoto.

Nakausap din si Coleen Garcia sa presscon ng pelikula niyang MIA na magkakasama nga sila ng JaDine noong Bagong Taon at masaya ang dalawa at hindi pa ba sapat iyon para sabihing hindi sila hiwalay.

At heto may bagong post na naman ang kaibigan din ng JaDine na si jeriko.tan ng litratong nasa tuktok sila ng Mt. Ulap nitong Lunes na may caption na, “Started 2020 right. Great views and great company.”

Tsinek namin ang lahat ng litrato ni jeriko.tan at may mga litrato si James na sabay silang umakyat at si Nadine naman ay kasama ang kaibigang babae na magkakasama sila sa isang grupo.

FACT SHEET
ni Reggee Bonoan