HATAW! D'yaryo ng Bayan hatawtabloid.com
MASASAYANG umano ang kasipagan at pagsisikap ni Mayora Emi Calixto-Rubiano kung hindi mawawakasan ang pamamayagpag ng Cheeto’s Mafia.
‘Yan po ang walang tigil na text na dumaratingsa inyong lingkod.
Hanggang ngayon daw po kasi ay kontrolado ng Cheeto’s Mafia ang lahat ng supplies at kontrata sa Pasay City.
Ang Cheeto’s Mafia umano ay grupo ng mga taong kumokontrol sa Pasay City. Ang pinuno umano niyan ay dating ‘konsuhol’ na pirming nag-aastang ‘sulsultant’ nang sa gayon ay lagi niyang nababakuran ang mga mapagkukunan ng ganansiya.
Ayon pa sa mga walang sawang nagte-text sa inyong lingkod, ‘alaga’ ng Cheeto’s Mafia ang isang taong malapit sa mga nakaraang administrasyon, at siyang naging tulay para makopo nila ang supplies at mga kontrata sa Pasay City.
Arayku!
Paano na ang pagsisikap ni Mayora Emi para ihanay sa cosmopolitan cities ang lungsod ng Pasay kung namamayagpag ang Cheeto’s Mafia sa kanilang siyudad.
Alam kaya ‘yan ni Mayora Emi o mayroong ‘bumubulag’ sa kanya?!
Mayora, alam naming matagal ninyong pinangarap na maupo bilang alkalde ng bayan ninyong mahal, e paano ‘yan, mukhang hindi nasisindak sa iyo ang Cheeto’s Mafia?!
Mukhang naghihintay ng sampol, sampol Mayora?!
Hindi ba ninyo nakakapa ang Cheeto’s Mafia Mayora?!
Aba, baka puro bukol ang abutin ninyo riyan?!
Sudsurin na po ninyo Mayor ang Cheeto’s Mafia.
Aruu!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
