HATAW! D'yaryo ng Bayan hatawtabloid.com
NAGKAROON na rin ng lakas ng loob si Angel Locsin na i-retweet ang ipinost ng Forbes magazine na kasama ang dalaga sa listahan ng Forbes’ 13th annual Heroes of Philanthropy.
Kabilang si Angel sa 30 outstanding altruists sa Asia-Pacific na pawang mga bilyonaryo ang ka-level tulad nina Jack Ma ng Alibaba at Hans Sy ng SM Group.
Nahihiya kasing i-post ni ‘Gel ang nasabing tweet kaya ang fiancé niyang si Neil Arce ang nag-post.
Pero nitong Miyerkoles ng gabi ay ini-retweet ng aktres ang post ng @ForbesAsia na may litrato niya noong dumalaw siya sa Mindanao at ang caption ay, “Filipino celebrity, Angel Locsin, appears on this year’s Philanthropy List for aiding disaster relief efforts, among other causes.”
Ang sabi ng aktres, ”I never thought @ForbesAsia would ever mention my name, lol. Thank you! Filipinos have always been known for “bayanihan”. I’m nowhere near from being a billionaire, but I try my best to do my part in my own little way. I hope this would inspire other people to help as well.”
Sa kabilang banda, nabalitaan naming agad dumiretso ng Catarman, Northenn Samar si Angel mula sa bakasyon sa Japan para muling magbigay ng tulong sa mga naapektuhan ni Tisoy.
Ang tindi ni Angel, kakauwi lang from Japan, pagtulong agad ang inatupag.
Pinagkaguluhan ang aktres nang nakitang namimili sa isang grocery store na ipamimigay sa mga apektado ni Tisoy.
FACT SHEET
ni Reggee Bonoan
