HATAW! D'yaryo ng Bayan hatawtabloid.com
KAKAIBANG pelikula ang mapapanood sa Kings of Reality Shows (The Untold Story) na first reality movie nina Ariel Villasanta and Maverick Relova with Mommy Elvie. Ang pelikula na showing na sa Nov. 27 ay mula sa Lion’s Faith Productions at ito’y distributed ng Solar Films.
Ten years in the making ito at star-studded mula sa showbiz at politics. Sobra ang ginawang pakikipagsapalaran dito ni Ariel, to the point na sariling bahay niya mismo ay kanyang isinanla para mabuo ang pelikula. Binili pa niya kasi ang rights nito sa GMA-7, na ten years ago pa nagsimula nang sila’y mag-shooting para sa nasabing pelikula.
“Isinanla ko ang bahay ko para lang matapos itong movie na ito. Yes tama ka, hindi pala two years in the making ito, ten years in the making,” saad ni Ariel nang makapanayam namin.
Pahabol na esplika niya, “Sa tao ko lang naman isinanla, ayaw kasing tanggapin sa banko dahil lumulubog daw ‘yung lugar. Kapag hindi ko iyon natubos, wala na… So, alam n’yo na kapag sa tent na lang ako nakatira,” nangingiting saad ni Ariel.
Dagdag niya, “This is dedicated to all struggling artists. Anoman ang kahinatnan nito, okay lang. Ayaw ko lang ‘yung mag-regret ako pagtanda ko at magsisi ako kung bakit hindi ko ito ginawa.”
Kabilang sa celebrities na mapapanood at tumulong kay Ariel para maitawid ang pelikula niya ay sina Sen. Manny Pacquiao, Alden Richards, Vice Ganda, Anne Curtis, Coco Martin, Maine Mendoza, Joey de Leon, former-sen. Antonio Trillanes, Mayor Sarah Duterte, Manila Mayor Isko Moreno, Empoy Marquez, Sen. Bato de la Rosa, Jose Manalo, Asec Mocha Uson, Suzette Ranillo, Regine Tolentino, Jasmine Trias at iba pa.
Mapapanood din dito ang namayapang veteran actor na si Eddie Garcia at baka pati si Pres. Rodrigo Duterte, na ang standee ay nasa teaser ng movie.
Nang usisain kasi namin si Ariel kung kasali ba sa movie si Pres. Duterte, ang bitin na sagot niya sa amin ay, “Abangan n’yo, surpise iyan.”
ALAM MO NA!
ni Nonie Nicasio
