HATAW! D'yaryo ng Bayan hatawtabloid.com
NAGBITIW, iniwanan o biglang bumaba sa kanyang puwesto bilang hepe ng Philippine National Police (PNP) si P/Gen. Oscar Albayalde.
‘Yan ay dahil sa nabuhay na isyu ng ‘ninja’ cops na sinabing mga eksperto sa pagre-recycle ng mga nakukuhang ilegal na droga sa malalaking suspek.
Tinaguriang ‘ninja’ ang nasabing mga pulis dahil sa kanilang mga sorpresang pag-atake at pandarambong laban sa mga grupong ilegal.
Pero imbes, iharap sa batas, kinokompiska ng ‘ninja’ cops ang kanilang mga kontrabando gaya ng ilegal na droga para sila ang maglarga sa ‘merkado.’
Nakagugulat na mula sa isyu ng Good Conduct Time Allowance (GCTA) dahil sa kaso ni Calauan Mayor Antonio Sanchez ‘e biglang nailiko sa isyu ng ‘ninja’ cops ang imbestigasyon ng senado at umimbudo kay Albayalde.
Kaya ang masasabi natin diyan, kung may naitatagong pandora’s box ang mga opisyal ng pamahalaan, siguraduhin ninyong malinis na malinis ninyong naidispatsa ang susing magbubukas kung ayaw ninyong makaranas ng isang ‘sorpersang’ sasambulat sa akala ninyo’y tahimik na pamumuhay.
Ang tanong, desisyon kaya ni Albayalde ang bitawan ang kanyang posisyon o mayroong nag-utos sa kanya?!
Oca San, discraceful ‘este graceful exit nga ba ang ginawa ninyo? Kusang loob ba kayong bumaba o kayo’y pinababa?!
Sa isang banda makabubuti na rin ‘yan para hindi siya binabato ng kanyang mga kritiko.
Ang dapat niyang gawin ngayon, paghandaan at harapin ang kanyang pagreretiro at sana’y maayos niyang makuha ang kanyang mga benepisyo.
Alam naman ninyong mahirap magretiro kapag may kaso. Kaya dapat ay unahan at bilisan na niya.
Sana’y huwag din maunsiyami ang pangakong bibigyan siya ng puwesto pagkatapos magretiro sa PNP.
Hindi man naging happy ending ang kanyang career, sana’y makuha naman ang para sa kanya.
By the way, blessing in disguise din ito dahil magkakaroon na siya ng time with his Chinese friends sa kanilang big biking activities.
Sa madaling sabi, makapagba-bonding na sila nang husto.
Good luck on your new endeavours, Gen. Albayalde!
POWERTRIPPERS
AT BULLYING NG BI
JUNIOR TRAINING
OFFICERS
MATAPOS natin i-expose noong nakaraang linggo ang ginagawang pambu-bully ng mga miyembro ng Bureau of Immigration – Center for Training and Research (BI-CTR) sa mga bagong graduates na immigration officers (IOs) ay sunod-sunod nang lumabas ang hinaing ng mga IO na dumanas ng unfair treatments mula sa mga nabanggit.
Ayon sa nakarating na sumbong sa atin, masyadong ‘bias’ ang ginawang rating system ng mga Junior Training Officers ng CTR dahil naging subjective sila sa pagbibigay ng grado sa mga IO.
Saan daw sila nakakita na lahat ng kanilang pagsusulit ay walang lumabas na ‘scores” ng examinations?
Maging ang test papers nila ay itinago rin ng mga ‘gunggong’ na JTOs!
Tanging grades lang daw ang ipinakikita ng mga hindoropot na trainers!
Wattafak!?
Malinaw na may favoritism pagdating sa grading system na ginagawa ng mga taga-CTR. Senyales na may anomalyang nagaganap sa loob ng Philippine Immigration ‘bully’ Academy.
Kapag daw hindi nila ‘bet’ ang isang trainee ay tatambakan ng sandamakmak na ‘demerits’ upang madali nilang ibagsak ang kaawa-awang trainee.
Susmaryosep!
Sarap ingudngod ang mukha ng mga hinayupak!
Aware po ba kayo sa ganitong sistema ng CTR, Immigration Commissioner Jaime Morente?
Marami rin daw sa piniling “Top 10” sa nakaraang training ay kuwestiyonable. May ilan sa kanila na mas deserving pumasok sa Top 10 ng kanilang klase kaysa mga napili ng mga ‘bullshits’ na JTOs.
Kung tutuusin, wala naman importansiya kung pasok ka sa “honor roll.” Ang siste lang ang mga o-gag na training officers ay nagpapakilala bilang mga ‘righteous’ kuno pero sa totoo lang ay hindi sila deserving na humawak ng ganito kasensitibong posisyon.
Dahil ba “under instruction” sila ng hepe ng CTR na kilalang-kilala na basag ang pula?
Ano pa nga ba?!
Kawawa ang mga susunod pang training and seminars kung ang mga JTO ng BI-CTR ngayon ang patuloy na magpapatakbo ng nasabing Akademiya.
Dapat silang palitan ng maaayos na magpapatakbo ng trainings and seminars at alisin diyan ang mga may sayad at powertrippers.
Balita natin ay ayaw nang bumalik sa airports ng mga ‘yan dahil maluwag nilang nagagawa ang kanilang pangwawalanghiya.
Para ano at naging IO sila kung hindi naman mapapakinabangan sa counters na madalas ay kulang sa tao?
Anong sey n’yo rito, IOs Golepang, Golimlim, Villa, Jaron, Saladaga, Boctuanon at Ollet!?
Mahigpit din daw na ipinagbabawal sa mga trainee ang lumabas ng PIA kahit pa emergency ang sitwasyon. Pero pagkagat ng dilim, sila mismong JTOs ang lumalabas ng PIA at kanya-kanyang gimik sa paligid ng “Clark!”
‘Di ba bawal nga?!
Agree or disagree, Mr. Jolly Bee?
Commissioner Jaime Morente, sumisigaw ng hustisya ang mga dumanas ng unfair treatments at nakaaalam ng totoong nangyayari sa Philippine Immigration Academy.
Hindi titigil ang sigaw ng katarungan hangga’t walang imbestigasyon na gagawin sa mga personalidad na sangkot sa anomalya sa PIA!
Marami pang kasunod ‘yan!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
