HATAW! D'yaryo ng Bayan hatawtabloid.com
Last September 10 sa Seda Hotel North Vertis ay pormal nang ipinakilala si Marian Rivera, bilang bagong brand ambassadress ng Tough Mama Home & Kitchen Appliances na unang inendoso ni Jennylyn Mercado.
At fabulous ang press launch for Marian na kumuha pa ng sikat na young chef ang Tough Mama para ipakita sa invited entertainment press and bloggers ang kalidad ng kanilang mga produkto at siyempre naki-join din sa pagluluto si Marian na pinagkaguluhan sa event.
Ayon kay Marian, thankful siya sa trust na ibinigay sa kanya ng Tough Mama na pinagkatiwalaan siya at kinuhang endorser nito. Sa tanong na paano sasabihing tough ang isang ina, narito ang naging tugon ng magandang aktres, “Tough Mama ka kung sabay-sabay mong nagagampanan ang pagiging asawa, ina at nagtatrabaho ka pa. Lahat ng mga Mama, tough depende sa religion, kasi kasama na rito ang faith at trust kay God.
“Ako bata pa natutuhan ko na sa Mama at Lola ko ang pagiging tough, pero mas higit sa Lola ko dahil siya ang nagpalaki sa akin, habang nagtatrabaho sa abroad si Mama,” masayang sambit ni Yanyan.
Dagdag niya, “At iyon din ang nagustuhan ko nang i-offer sa aking maging brand ambassador ng Tough Mama. Hindi ko alam na ang mga ginamit ko pa lang appliances, gawa nila, until ini-offer nila sa akin. Kaya noon pa ay binibili ko na ang appliances nila, kahit panregalo sa mga kaibigan at ina-assure ko naman kayo na matitibay lahat at very affordable pa,” pagbibida niya sa latest endorsement.
VONGGANG CHIKA!
ni Peter Ledesma
