Dinner nina Liza at Jane, ‘di pa natutuloy

MASAYANG ibinalita sa amin ni Ogie Diaz sa pamamagitan ng PM (private message) na nakatakda nang simulan ng kanyang alagang si Liza Soberano ang taping ng mulinnilang tatampukang teleserye ni Enrique Gil sa ABS-CBN.

“Sa September na ang start ng taping,” ani Ogie.

Pero in the meantime, sumasailalim si Liza sa occupational therapy tatlong beses isang linggo kaugnay ng naoperahan na nitong daliri.

At habang ganap na nagpapagaling, abala rin si Liza sa pag-aasikaso ng ikalawang branch ng kanyang Hope Wellness and Spa na bubuksan sa Alabang.

Samantala, habang isinusulat namin ito’y hindi pa natutuloy ang dinner date ni Liza at ni Jane de Leon. As everybody knows, si Jane ang masuwerteng pumalit sa binakanteng role ni Liza bilang Darna.

Agad ngang binati ni Liza si Jane at niyayang mag-dinner sila upon her arrival from the US last July.

Meanwhile, ipinatanong namin kay Ogie kung ano ang take ng kanyang alaga sa recent controversy na kinasangkutan ng mga kapwa nito Kapamilya stars tulad nina Bea Alonzo at Julia Barretto over Gerald Anderson.

“Deadma na lang, ‘teh!” pakiusap ni Ogie on Liza’s behalf.

Oo nga naman, mas gugustuhin nga namang tutukan ni Liza ang tambalan nila ni Quen kaysa makisawsaw sa isyu which doesn’t concern her at all.

HOT, AW!
ni Ronnie Carrasco III