HATAW! D'yaryo ng Bayan hatawtabloid.com
MAY bali-balitang hindi lang basta close as co-stars sina Andrea Torres at Derek Ramsay; “more than close” raw sila.
Tumawa muna si Andrea bago sumagot, “Siguro hindi maiiwasan kasi magkatrabaho kami. Tapos ‘yung mga lumalabas pang trailer, ‘yung mga eksena, ganyan. Kasi in-love na in-love ‘yung dalawa sa kanya.”
Ang “dalawa” ay sina Jasmine de Villa at Juliet Santos-de Villa a.k.a Elaine Reyes (na pareho ngang ginagampanan ni Andrea) na nagmamahal kay Andrew de Villa, na karakter naman ni Derek sa The Better Woman.
Marami ang nagsasabing mukhang may atraksiyon sa kanilang dalawa.
“Actually ‘yung una namin pong scene together noong gumawa kami ng plug for GMA na summer plug, iyon nga po ‘yung sinabi nila, parang may chemistry.
“Natuwa po kami roon kasi at least magandang start iyon sa aming dalawa kasi magkakatrabaho kami.
“Never ko naman siya na-meet before, never rin niya akong na-meet before so for us, positive ‘yun, na may ganoon silang nakikita sa amin.”
Kumusta ang mga intimate scene nila ni Derek sa soap?
“Ang maganda po kasi sa set, kay direk at saka kay Derek, maalaga sila sa akin.
“Idini-discuss talaga nila kung ano ang gagawin, tapos si direk Mark as much as possible walang masyadong tao (sa set), tapos pinapanood din niya sa akin ‘yung shots.”
Paano ang halik ni Elaine kompara kay Juliet?
“Mas aggressive, mas may li_ _ _… ayokong sabihin ‘yung word,” at tumawa si Andrea. “Hindi, basta… mas aggressive.
“’Yung isa, siyempe mas love, mas careful.”
Hindi ba siya nao-awkward kapag hahalikan niya si Derek ng agresibo?
“Ako ano lang, hinga lang talaga ng malalim bago ang bawat eksena.”
Kumusta kahalikan si Derek?
“Okay naman po. Ha! Ha! Ha! Okay naman po. Very maalaga po talaga siya.”
Walang limitasyon si Adrea pagdating sa trabaho.
“Wala naman, wala akong naiisip sa ngayon.
“So far, sa soap na ito, lahat talaga, sa ikagaganda ng show.”
Rated R
ni Rommel Gonzales
