HATAW! D'yaryo ng Bayan hatawtabloid.com
MARAMING magagandang nangyayari ngayon sa career ng prolific singer/songwriter na si Marion Aunor. Una na rito ang single niyang Akala na umabot na sa higit 17 million streams.
“Sumakto pa ito, sa birthday ko natapat iyon. So feeling ko po ay gift talaga siya from God,” masayang sambit ni Marion.
Actually, nang first time naming narinig ang single na ito ni Marion, sinabihan namin agad siya na magiging hit ang kanta niya na naging theme song sa pelikulang The Day After Valentine’s ni Direk Jason Paul Laxamana na tinampukan nina Bela Padilla at JC Santos.
Isa pa rin sa magandang nangyari sa kanya lately na talagang ‘di niya malilimutan ay nang maimbita sa katatapos na Grammy Awards sa Amerika na ginanap sa Staples Center sa Los Angeles. Ayon kay Marion, isa itong kakaibang experience na nakasama nila sa iisang lugar ang ilan sa biggest celebrities ng Hollywood at na-witness nila personally ang mga acceptance speech at performances ng international stars na talagang ibang level daw.
“Na-meet din po namin ‘yung son ni Bob Marley na sa Ziggy Marley sa isang Grammy event. I’m grateful na na-experience ko po lahat iyon,” nakangiting pahayag ni Marion.
Kasama rito ni Marion ang younger sister niyang si Ashley Aunor na isang singer, recording artist at songwriter din tulad ng kanyang ate. Actually, second time nang naimbita si Marion sa Grammy’s, ngunit hindi siya nakadalo noong una dahil nagkaroon siya ng sakit.
Samantala, abangan ang concert niyang Marion Aunor, The Songwriter sa April 26, Friday, 8pm sa Music Hall Metrowalk. Dito’y iso-showcase niya ang mga naisulat na kanta. Ayon kay Marion, at the same time raw ay post-birthday concert niya ito since nagdiwang siya ng kaarawan last April 10.
Sambit ng panganay na anak ni Ms. Maribel ‘Lala’ Aunor, “Medyo matagal na rin po akong hindi nagso-solo show, so I’m excited for this one.”
Para sa tickets, maaaring tumawag sa 451-1786 at 09060996138.
ALAM MO NA!
ni Nonie Nicasio
