Mandaluyong kinilalang 100% Smoke-free city

PINURI ng Metro­politan Manila Develop­ment Authority (MMDA) ang lokal na pamahalaan ng Man­daluyong sa  ipina­tupad nitong “100% smoke-free policy” sa lungsod.

Sinabi ni MMDA Chairman Danilo Lim, pinagkakalooban ng pagkilala ng ahensiya ang pagsusumikap ng Mandaluyong sa pro­mosyon nang maayos na kalusugan at maba­wasan ang pamama­yani ng sakit na may kinalaman sa panini­garilyo.

“Mainit po nating binabati ang lokal na pamahalaan ng Manda­luyong para sa walang patid na pagpapatupad ng kanilang 100% smoke-free policy,” ani Lim.

Ang Ordinance No. 671, na tinatawag na “Comprehensive Smoke-Free Ordinance of the City of Mandaluyong,” ay ipinasa at naaprobahan ng Sangguniang Panlungsod ng Mandaluyong noong 17 Hulyo 2017.

Layunin nitong i-regulate ang paggamit, pagbebenta, pamama­hagi at paglalathala ng sigarilyo at iba pang tobacco products sa lungsod.

Ang Smoke-Free Task Force (SFTF) ng Manda­luyong katuwang ang MMDA ay nagmo-monitor ng pagbebenta ng tobacco products sa mga pampublikong establi­simiyento, lalo ang mala­pit sa mga eskuwelahan.

Ang SFTF ay binubuo ng mga pulis, kawani ng lungsod at mga opisyal ng barangay.

Taon 2018, umabot sa 6,283 indibiduwal ang nahuling naninigarilyo sa pampublikong lugar habang 292

may-ari ng tindahan ang nahuling nagbebenta ng sigarilyo malapit sa eskuwelahan, ayon kay Col. Roseller Sta. Maria, hepe ng Mandaluyong City Ordinance Enforce­ment Division.

Ayon kay Manda­luyong City Mayor Carmelita “Menchie” Abalos, target ng Man­da­luyong na masungkit muli ang isa pang Red Orchid Award at umaasa na makamit ang Hall of Fame distinction tulad ng Balanga City, Bataan.

Naniniwala ang MMDA na magtata­gumpay ang Mandalu­yong na maging model smoke-free lungsod hindi sa lang Kalakhang Maynila kundi sa buong bansa.