HATAW! D'yaryo ng Bayan hatawtabloid.com
INAMIN ni Ogie Alcasid, nang mag-guest ito sa Magandang Buhay na nagselos siya noon kay Robin Padilla na naging leading man ng kanyang asawang si Regine Velasquez sa ilang pelikula.
Nagsama ang dalawa sa Kailangan Ko’y Ikaw (2000) at Till I Met You (2006).
Ani Ogie, “nagtatago pa kami noon ni Regine, medyo secret pa ‘yung aming relasyon. Then nalaman ko nga na may pelikula nga sila ni Robin. Siyempre action star, matipuno. Siyempre medyo na-insecure lang ako.”
Dagdag pa ng actor, singer/songwriter, naging panatag lang ang kanyang kalooban dahil nalaman niya ang pagiging maginoo ni Robin sa kanyang mga leading lady.
“Ako naman ‘yung pinakasalan kaya ayos na rin ‘yon,” ani Ogie.
Walong taon nang kasal sina Ogie at Regine at hindi na malaking isyu sa kanila ang pagseselos.
“Noong araw I guess hindi nawawala sa relasyon ang selos, hindi ba? Pero ngayon sa katandaan namin kapag nagseselos ka pa medyo nakakahiya na, medyo may problema na ‘yon. So noong araw lang ‘yon,” sambit pa ng ngayoy’ producer na rin.
Sa Magandang Buhay, ibinahagi ni Ogie ang pagiging isang kaibigan, pagiging sensitive sa pangangailan ng asawa, at pang-unawa ang ilan sa mga bagay na hindi dapat makalimutan para mapanatili ang maayos na relasyon.
Sa nasabing programa, sa isang video message ipinaabot naman ni Regine ang paghanga sa asawa na aniya ay kanyang Mr. Right.
Ani Regine, “masuwerte akong asawa kasi napakabait ng asawa ko. He pays attention to me. It’s very important that you have someone who pays attention to you, to what you say, to how you feel. Kahit ‘yung mga moods ko, he pays attention kasi kapag hindi lagot siya. He’s a very loving, handsome.
“We’ve been married for eight years pero hindi ko ramdam na eight years na pala kaming mag-asawa. Kasi parang everyday is exciting. Parang gusto ko malaman kung paano na naman niya ako patatawanin, kung paano niya ako aasarin. I always laugh and he would always make me laugh. I am very blessed to have such a funny, loving, patient, supportive and loving husband.”
Samantala, nagbabalik si Ogie sa pelikula at bilang movie producer sa Kuya Wes na malapit nang ipalabas.Kasama niya rito sina Ina Raymundo, Alex Medina, Moi Bien, Karen Gaerlan at iba pa. Sa direksiyon ni James Robin Mayo.
Produced ito ng A-Team, Awkward Penguin, at Spring Films.
Mapapanood din si Ogie sa Master of Love, a Valentine concert sa Resorts World Manila sa February 14. At dahil sa Master of Love, hindi mapapanood ni Ogie ang Valentine concert ng kanyang misis na si Regine.
(Joe Cezar)
