Ynez, ayaw na sa Pinoy, mas feel ang foreigner

BOYFRIEND na mula sa ibang bansa at husband material na ang pangarap, wish, at dasal ng sexy actress na si Ynez Veneracion sa panahong ito.

“Sa anak ko na lang umiikot ang mundo ko. Pero kung papalarin pa akong mag-asawa ‘yun na ang mas gusto ko, foreigner.”

Sa kabila ng patuloy pa ring pagharap sa mga hamon sa buhay (kaso at iba pa), malaki naman ang pasalamat ni Ynez na pawang blessings ang bumubuwelta sa career niya ngayon.

“Thankful ako kay Ate Sylvia (Sanchez). Kasi, may dumating na project sa kanya na supposedly kay Superstar Nora Aunor. Pero hindi natuloy kaya siya ang 2nd choice na ididirehe ni Ronald Carballo. Sa pag-uusap nila nag-iisip ng kontrabida, ako agad ang sinabi niya. Kinakabahan nga ako pero siyempre challenge rin for me.”

Hesusa ang titulo ng pelikula na iikot sa mga pinagdaanan sa buhay ng bida.

“May shows pa rin ako here and abroad. Kaya natuwa ako na kinilala ako ng Aliw Awards sa napanood nilang shows ko. Kaya, kahit na may mga problemang kinaharap parang ito naman ang kapalit. Kasi sunod-sunod. Guesting sa ‘MMK’ (Maalaala Mo Kaya) every now and then.”

Kabado si Ynez sa pagsasaluhan nilang mga eksena ni Sylvia once na magsimula na sila ng shoot ng Hesusa.

“Hindi ko ‘ata makakaya ‘pag ini-require na may sampalan kami ni Ate Sylvia. Marami-rami na rin akong nasampal. At ako rin nasampal na ng bonggang-bongga. Umikot talaga ang paningin ko, eh. Naging totoo.”

Kaming mga kaibigan niya, may paniwalang sila pa rin ni Mon Confiado ang magkakatuluyan sa dulo.

Kaso, hinaharang na ito ni Ynez. Okay na sila ni Mon na maging magkaibigan.

At ‘yun nga. May ibang kultura na mula sa ibang bansa ang hanap niya.

On her own, kayang-kaya ni Ynez ang magsikap. 

Masasalamin ‘yun sa milyong halaga ng sasakyan (Ford Everest?) niya ngayon.