HATAW! D'yaryo ng Bayan hatawtabloid.com
WOW kasama sa gagawaran ng bagong parangal ang in-demand na musician-deejay sa Osaka, Japan na si Ms. Liza Javier sa 17th Annual Gawad Amerika Awards. Nakaapat na pala ang friend naming Diva sa said award giving body. At ngayong August 16 ay lilipad na papuntang Amerika si Liza upang muling personal na tanggapin ang kanyang award bilang “Mrs. Gawad Amerika” na gaganapin ngayong August 18 sa Celebrity Centre International Hollywood, California.
Isang araw bago ang awarding ay gaganapin naman ang press conference cum dinner and dance sa August 17 sa Filipino Cultural Center Temple St., Los Angeles California at dadalo rin si Liza.
We heard, na marami ang may gusto at nag-aagawan sa award na ito ni Ms. Liza kasi consider na ikaw na ang Reyna ng Gawad Amerika. At lahat ng iba’t ibang parangal na tinanggap ay inihahandog ng singer sa kanyang pamilya at fans na todo ang suportang ipinagkakaloob sa kanya sa kanyang dalawang show sa Internet na “Kalye Solutions” at “Beauty Live” na parehong napapakinggan worldwide.
Itine-treasure niya hanggang ngayon ang pagkikita nila noon ng Hollywood singer na si David Pomeranz sa Gawad Amerika. Hanga raw siya sa pagiging humble nito na pinagbigyan silang makapagpa-picture.
VONGGANG CHIKA!
ni Peter Ledesma
