Kris, nagre-reyna sa 5 Asian countries

NA-CONQUER na ni Kris Aquino ang Asian countries tulad ng Singapore, Malaysia, Japan, Thailand, at Indonesia pagdating sa brand partners. Sa kasalukuyan ay nasa Indonesia siya para sa isang TVC shoot. Yes television commercial na ilo-launch sa Pilipinas isa sa mga araw na ito.

Ang nasabing produkto ay dating inendoso ni Senator Manny Pacquiao pero sa Indonesia lang ito lumabas kaya marahil hindi natin nabalitaan.

At ngayon ay nag-expand na ang may-ari ng nasabing produkto na gusto rin nilang i-distribute sa labas ng Indonesia at napili ang Pilipinas. At dahil sa ating bansa ito ilalabas ay siyempre, kailangan nila ng effective brand endorser at ang Queen of Online World and Social Media ang napili at kung bakit ay heto, ipinost ni Kris sa kanyang IG account ang kuwento.

Base sa kuwento ni Kris sa video post niya kahapon habang isinu-shoot ang TVC, “SidoMuncul Owner & CEO, Mr. Irwan Hidayat was so GRACIOUS- they own according to Forbes.com Indonesia’s largest herbal medicine company.

“Last night when I arrived at their hotel personal nya kong ti-nour. His grandmother started their company in 1951. Nag research na po ako- Indonesia has a population of close to 267 million according to worldpopulation.com & yesterday when we were buying our traveler’s SIM cards & I presented my passport, they asked what we were doing here in Indonesia, sumagot si @nix722 na may shooting for 1 of the products of SidoMuncul & we asked kung alam nila kung ano ‘yun- napahiya na lang po kami kasi her look was like “ang clueless nitong mga ‘to” they said the brand is number 1 in Indonesia.

“When we took our seats in the Garuda domestic flight- sa monitors may commercials ‘yung product super nakakataba ng puso that an iconic Indonesian company chose me to be their endorser for their launch in the Philippines.

“Dahil nga po curious ako- I asked why they chose me?  Sinabi po nila- as a family mahalaga sa kanila na ‘yung mag re-represent sa kanila pinapahalagahan ang pagiging nanay dahil lola n’ya ang nagsimula, mama n’ya ang nagpalaki, and now oldest daughter n’ya po ang magpapatuloy.

“Na impress ako na lumaki si Sir Irwan embracing WOMEN EMPOWERMENT. Sinabi ko po sa kanya “please adopt me?” Hindi pa n’ya ko super kilala kaya nag “SURE Kris- I’ll be happy to.” #gratitude#ichooselove.”

Hayan, kaya hindi na dapat pagtakhan kung mapapadalas na ang pagpunta ni Kris sa Indonesia tulad ng ginagawa niyang pagbalik-balik sa Japan.

Hmm, tsinek namin ang listahan ng Asian countries, wala pa ang mga bansang Korea (North and South) Cambodia, Brunei, Bhutan, China, India, Laos, Kuwait, Maldives, Turkey, Vietnam, Taiwan at marami pang iba na puwede pang kunin si Kris bilang brand partner.

Anyway, excited kami sa mga produktong ilo-launch sa Pilipinas dahil herbal medicines ito na hinahanap na ngayon ng lahat lalo na kami. Sana makatulong din ang mga gamot na ito sa mga allergy ni Kris.

FACT SHEET
ni Reggee Bonoan