HATAW! D'yaryo ng Bayan hatawtabloid.com
SA madalas na tanong sa kanilang dalawa kung kailan sila magpapakasal ni Dennis Trillo ay hindi nababago ang sagot ni Jennylyn Mercado.
“Naku hindi pa, malayo pa, matagal pa.
“Marami pa kaming mga kailangang gawin sa buhay. Hindi pa kami ready pareho.
“Bata pa ako, 22 pa lang ako,” at tumawa si Jennylyn, who just turned 32.
At dahil ikakasal ang kapatid ni Dennis ngayong November, malamang nga na hindi pa magpakasal sina Jennylyn at Dennis dahil bawal ang sukob o ‘yung magkapatid na ikakasal sa loob ng isang taon.
“Ah ganoon ba? Wala naman kaming plano, huwag kayong mag-alala,” at muling tumawa si Jennylyn.
So hanggang November 2019 ay hindi puwedeng magpakasal sina Jennnylyn at Dennis.
“Wala naman kaming plano, huwag kayong mag-alala! Ha! Ha! Ha! Wala kaming plano, okay lang ‘yan, safe na safe, walang sukob na magaganap.”
Hindi rin totoong nagpa-secret wedding sina Jennylyn at Dennis sa Balesin last May.
“Wala, wala po, hindi namin plano ‘yan, wala kaming planong ganyan.
“Nag-e-enjoy lang kami.”
Kung sakaling magpapakasal na sila, gusto ba nila na alam ng publiko ang mga kaganapan?
“Hindi namin alam kasi sasabihin namin ‘pag nandiyan na kami. Pero wala eh, sa ngayon gusto lang naming mag-enjoy.”
Kapag may mga nababalitaan o nakikita si Jennylyn na ikinakasal, hindi ba siya naiinggit?
“Wala, eh! Ang dami ko pa kasing iniiisip. Wala muna po.”
Pero masaya siya kapag may nakikita siyang ikinakasal.
“Siyempre naman!”
Kumusta naman ang The Cure series nila sa GMA?
“Naku dumarami na ang mga infected! Medyo gumugulo na ang mga pangyayari so, kailangan tutukan na nila kasi ang dami ng nangyayari.”
Rated R
ni Rommel Gonzales
