Alden, target ni Vice Ganda para sa MMFF

IBA rin naman itong si Alden Richards kapag sinusuwerte kasi sunod-sunod ang grasyang dumarating sa kanya.

Pagpapatunay ito na kapag mabait kang tao, mahal ka ng Diyos.

Kasisimula lamang nito ng kanyang TV-serye sa Kapuso Network, ang Victor Magtanggol at may balitang siya ngayon ang tinatarget ni Vice Ganda at ng Star Cinema na makapareha ng komedyana sa kanyang pelikulang ilalahok sa darating na Pista Ng Mga Pelikulang Pilipino ngayong taong ito o Metro Manila Film Festival 2018. Masuwerte nga siya kung tutuusin dahil pagkatapos nababalitang ipapareha kay Vice Ganda ay si Dingdong Dantes para tapatan ang pelikula nina Vic Sotto at Coco Martin pero sa pinakahuling balita, siya na ang magiging leading man ng komedyante.

Sa pinakahuling balita tungkol kay Kris Aquino ay si Alden ang pinili nito sa grupo nina Daniel Padilla, Enrique Gil, James Reid at maging kay Joshua Garcia na kasama niya sa pelikulang I Love You Haters. 

Ayon sa netizens, kung matutuloy ang pagtatambal ng dalawa ay tiyak May-December love affair ang tema ng pelikula.

STARNEWS UPLOAD
ni Alex Datu