HATAW! D'yaryo ng Bayan hatawtabloid.com
MASAYA ang Kapuso actor na si Andrew Gan sa pagiging bahagi niya ng casts ng TV series na Kambal Karibal ng GMA-7. Inusisa namin si Andrew sa ginagampanang papel sa seryeng tinatampukna nina Miguel Tanfelix, Bianca Umali, Kyline Alcantara, Pauline Mendoza, at iba pa.
“Ang papel ko po rito ay si Danton, isang private investigator siya ni Sunshine (Dizon). Pinaglalaban niya kasi na makuha iyong anak niya from Carmina Villaroel. So parang semi-kontrabida kami rito, e. Pero hindi pa malinaw tito,” saad ni Andrew.
Ano ang na-feel mo na nakasali ka sa project na ito ng GMA-7?
Tugon niya, “Sobrang blessed tito. Kasi sa rami ng mga artista, sa akin naibigay. It’s from God, Kaya happy ako, sobra at napakabait pa ng production.”
Samantala, mapapanood din si Andrew sa pelikulang White Knight, tampok dito sina Mon Confiado, Lovely Abella, Leo Martinez, ang Hollywood actor na si Lev Gorn, at iba pa. Ito’y mula sa pamamahala ng American director na si Gregory Segal.
Nabanggit niya ang role sa naturang pelikula. “Ako po si Tito Vasquez sa movie, ka-team ko rito sina Kuya Mon and Tita Mosang. Pulis po kami rito, pero kami ‘yung magka-buddy talaga ni Kuya Mon. Ang genre po ng movie ay action, drama, suspense-thriller. Ang producer po nito ay mga American din at mayroon ding isang local producer.”
Ano ang masasabi mo sa inyong American director? “Actually, first time ko pong magtrabaho sa isang foreign director, medyo mabusisi siya pero in a way na gusto niya, small lang ‘yung acting. In a way, gusto niya na mas more on plain lang ‘yung facial expression, pero dapat ramdam pa rin iyong emotions.”
ALAM MO NA!
ni Nonie Nicasio
