Modernong bahay ni Paolo, marami ang napa-wow!

DINAIG ni Paolo Ballesteros ang ibang artista kung pagandahan ng bahay ang pag-uusapan dahil bongang-bongga at talaga namang sosyal ang kanyang modern house.

Marami nga ang napa-wow nang ipost nito ito sa kanyang personal account at talaga namang humanga sa ganda at laki ng bahay nito na mula sa katas ng kanyang pag-aartista.

Tsika ni Paolo sa isang interview, ”I made sure na ako ‘yung mamimili, kaming dalawa ng architect. I’m so happy kasi nakuha ‘yung gusto ko, and may mga idinadagdag pa kami kasi hindi pa siya tapos kaya ‘di ko pa naipapakita sa Dabarkads.”

Marami pang gustong idagdag si Paolo sa kanyang dream house at balak  niyang magpagawa ng swimming pool.”Sobrang init at ‘yung mga bagets mahilig mag-swimming, so we’re planning to put up a pool somewhere roon na maliit lang,” tsika pa ni Pao.

 MATABIL
ni John Fontanilla