Ama ni Ellen, pumanaw na

SUMAKABILANG-BUHAY na ang ama ni Ellen Adarna, si Alan Modesto Adarna matapos ma-cardiac arrest.

Sa Instagram post ng isang netizen na may handle name na @floraltouchby­cathy, isang litrato ng kabaong ang inilagay nito na may caption na, ”Our condolences and Prayers to the Adarna’s Family. God grant you Eternal Peace Sir Alan Adarna.”

Kasunod niyon ay ang pagtatanong ng isang follower ng, ”Daddy ni Ellen namatay maam?” Na sinagot naman iyon ng, ”Yes.”

Habang isinusulat namin ang balitang ito’y wala pang official statement ang pamilya ni Ellen na kilala ang pamilya nila sa Cebu na nagmamay-ari ng maraming negosyo kabilang na ang kanilang chain of motels na Queensland na may mga branch din sa Manila at Davao.

Maya’t maya rin naming tsine-tsek ang IG nina Ellen at John Lloyd Cruz para makompirma ang balitang ito subalit wala silang post.

Sa IG account naman ni @Jlc_Ellen, nakalagay doon ang quote card na nakasulat ang ”Rest in peace!”

Samantala, nagtaka naman kami nang i-tsek uli naming ang IG ni  @floraltouchbycathy, ay wala na ang post nito ukol sa ama ni Ellen.

SHOWBIZ KONEK
ni Maricris Valdez Nicasio